Գեղարքունիքի Երկրագիտական Թանգարան

1952թ-ին հիմնադրվել է Գեղարքունիքի երկրագիտական թանգարանը։ Թանգարանը ունի ավելի քան 8427 թանգարանային ցուցանմուշ։ Թանգարանում կարելի է ծանոթանալ Գեղարքունիքի մարզի պատմության մասին հին քարի դարից մինչև մեր օրեր եղած ժամանակահատվածը։ Ներկա պահին ցուցադրության է դրված 2318 ցուցանմուշ, որոնք գտնվում են 6 սրահներում։ Երկրագիտական թանգարանի հնագիտության բաժնում  պահվում են քարե աշխատանքային գործիքներ, հնագույն աղորիք և խարիսխ, բրոնզե դաշույններ, տարատեսակ զարդեր։ Մեծ կարևորություն է ներկայացնում Ուրարտուի արքա Ռուսա առաջինի սեպագիր արձանագրությունը և Հայոց թագավոր Արտաշես Առաջինի սահմանասյունը՝արամեատառ արձանագրությամբ։ Ինչպես նաև ցուցադրությանն է ներկայացված խոյի պատկերով քարե սափորը և այլ արժեքավոր իրեր, որոնց քանակը հատում է 600-ը։